Zâ’ir-i mey-hâneyim muğ secdesidir tâ’atim

Zâ’ir-i mey-hâneyim muğ secdesidir tâ’atim
Aşk pîrim nakd-i can nezrim tevekkül niyyetim

Her saru baksam surâhî tek sücûd etmek işim
Kanda olsam bâde tek düşmek ayağa âdetim

Tavrıma zâhid eger sûrette eyler i’tirâz
İhtilât etsem anı şerm-ende eyler sîretim

Bes ki câm-i mey kimi hoş-meşreb ü sâfî-dilim
Hürmetim vâcib tutar her kim bilir keyfiyyetim

Mu’teberlerdir gurûr ehli ben andan fâriğim
İtibâra çün değil kâbil muhakkar hey’etim

Aşk erbâb-i riyâdan fâriğ etmiş gönlümü
Fakr esbâb-i alâyıktan götürmüş rağbetim

Ey Fuzûlî fakr toprağında devlet iste kim
Sâye ol toprağa salmıştır hümâ-yi himmetim