Hicrân ile yanar geceler rişte-i cânım

Hicrân ile yanar geceler rişte-i cânım
Rûşen ola ey şem’ sana sûz-i nihânım

Bir şem-i şem-istân-i belâyım ki değil kem
Tâ ben diriyim sûz-i dil ü eşk-i revânım

Ey halvetime şem-i ruhundan bırakan nûr
Didârına müştâk idi çeşm-i nigerânım

Sensiz geceler âh ü figânın meh işitti
Ey meh sana hem yetti ola âh ü figânım

Ol gül-i handânı görmek mümkin olsayda bana
Sen tek ey bülbül gül-istâna güzâr etmez m’idim

Ey Fuzûli dâğ-i hicran ile yanmış gönlümü
Lâle-zâr açsaydı seyr-i lâle-zâr etmez m’idim