Değilsin çoktan ey gerdûn cihân seyrinde yoldaşım
N'ola ham olsa kaddim senden artıkdır benim yaşım
Terâzû-yi 'iyâri mihnetim bâzâr-i aşk içre
Gözüm her dem dolup bin taşa her sâ'at değer başım
Sirişkim al bağrım pâre bir kûh-i belâyım kim
Hemîşe lâle vü lâ'l ile rengîndir içim dışım
Bana mânend bir divâne sûret bağlamaz gûyâ
Kalem sındırdı tasvîrim çekenden sonra nakkâşım
Fuzûlî hâzin-i genc-i vefâyım ol sebebdendir
Güherler döktüğü isrâf ile çeşm-i güher-pâşım
